The Sacred Dance of Iwami Kagura: Dynamic Tradition of Japan

L-Ambaxxata tal-Ġappun f’Malta, f’kollaborazzjoni mal-Belt ta’ Hamada fil-Prefettura ta’ Shimane fil-Ġappun, , għandha l-pjaċir tippreżenta spettaklu speċjali ta’ teatru tradizzjonali taż-żfin Ġappuniż biex tfakkar il-60 anniversarju tar-relazzjonijiet diplomatiċi bejn il-Ġappun u Malta.

Iwami Kagura hija forma ta’ arti performattiva tradizzjonali li oriġinat mir-reġjun ta’ Iwami, fil-Punent tal-Prefettura ta’ Shimane.

Magħrufa għall-għaqda tagħha spettakolari, mimlija kulur u eleganti bejn iż-żfin, il-mużika u d-drama narrattiva, Iwami Kagura għandha l-għeruq tagħha f’riti sagri Shinto li kienu jsiru minn saċerdoti matul il-perjodu Edo (is-sekli 17 sa 19).　Maż-żmien, din l-arti nbidlet minn ċerimonja reliġjuża solenni għal forma popolari u ħajja ta’ divertiment folkloristiku, u llum saret attrazzjoni ewlenija fil-festi lokali u l-avvenimenti komunitarji.

Rikonoxxut fl-2019 bħala Wirt Kulturali tal-Ġappun, Iwami Kagura ġiet milqugħa b’tifħir kbir u rċeviet bosta rikonoxximenti għall-valur kulturali u storiku tagħha.

F’Expo 2025 Osaka, Kansai, Ġappun, ġiet ippreżentata b’mod spettakolari b’55 serp gigantiku, li jimlew b’mod drammatiku l-istadju kollu u jaffaxxinaw lill-udjenzi.

Dawn il-prestazzjonijiet jirrakkontaw leġġendi mill-mitoloġija Ġappuniża antika, imwassla permezz ta’ kostumi dettaljati, koreografija espressivau akkumpanjament mużikali ritmiku.

Għal din l-okkażjoni speċjali, artisti minn Hamada, il-belt fejn twieldet l-Iwami Kagura, se jippreżentaw tliet stejjer magħrufa, fosthom l-istorja ikona ta’ Orochi — ġlieda drammatika bejn eroj u serp kbir b’tmien irjus u tmien denb. L-ispettaklu jipprometti esperjenza qawwija u dinamika fuq il-palk.

L-udjenza se tittieħed lura fiż-żmien lejn id-dinja affaxxinanti tal-Ġappun tal-imgħoddi, fejn se tkun immersa fil-ħsejjes melodjużi ta’ strumenti tradizzjonali u r-ritmu liriku ta’ stejjer li baqgħu jixxandru minn ġenerazzjoni għall-oħra.

Eżekutturi

Kunsill ta’ Koordinazzjoni tat-Timijiet ta’ Iwami Kagura ta’ Hamada

Referenza

YouTube. (2023). Iwami Kagura Performance: "Orochi" [Video]. YouTube. https://youtu.be/kOlT8lyUfh8?si=yMjTkFHAY2SFDHsL

YouTube. (2023). Iwami Kagura Performance: "Hachiman" [Video]. YouTube. https://youtu.be/YB_IDPViJaI?si=TPu2KQONc9I-O6jE